TRINKETA lau
hormadun instalazioa da, 28 metro eta erdiko luzera eta 8 metro inguruko zabalera duena.
Ezkerreko horman eta atzeko hormaren, normalean errebotea deiturikoaren, beheko
aldean galeria bana dago jendearentzat teilatu edo taula batek estaltzen duena.
Taula edo teilatutxo horrek maldan egon behar du galeriaren alderik garaiena
hormaren kontrakoa izanik. Galeriaren horma bertikalean sare bat jartzen da,
espezialitatearen arabera laburragoa edo luzeagoa dena.
 |
| Azkaingo trinketa |
Trinketak baditu bereizgarriak diren beste
elementu batzuk baita; alde batetik xiloa, eta bestetik, frailea.
Xiloa aurreko hormaren, edo frontisaren, eskuinaldean 1,20m-ko altueran dagoen
zuloa da. Zulo hau zabalagoa da kanpoaldetik barrualdetik baino eta forma hori
izateagatik pilotak xiloa jotzean ezusteko norabidea hartzen du.
Frailea, berriz, eskuineko hormak eta
frontisak eratzen duten angelua estaltzen duen alaka da, eta xiloak bezala
pilotaren norabidea aldatzen du.
Errebotea erabat paraleloa izan behar du
frontisarekiko eta biak alboko hormarekiko elkarzutak. Bai alboko hormek bai
erreboteak 5m eta erdiko altuera dute naiz eta gero albokoak frontisetik
hurbileko lehenengo zatia honen altuera izan, 8m eta erdi hain zuzen ere.
Pasakan jolasteko 1,20m-ko altueran sare bat
kokatzen da trinketa bi eremutan banatzen duena. Errebotearen eta sarearen
arteko eremuari sakeko eremua deritzogu eta frontisaren eta sarearen artekoari,
berriz, errestoko eremua.
