Sakea, sakeko
eremuko jokalari laguntzaileak (S) egiten du, oinak sakeko marra baino atzerago
dituelarik. Esku hutsarekin (eskularrua ez duen eskuarekin) jaurtiko du pilota
taulara eta pilota taulatik zehar biraka (nahi dituen boteak emanda) errestoko
eremuan dagoen lurrean marrazturiko lauki batean egin behar du punpa. Eremu hau
frontisa eta taularen horma bertikala elkartzen diren eremua osatzen du.
Irudian hobeto ikus daitekeen beltzez markaturiko gunea da.
Errestoa, beraz, esandako eremu honetan egingo da lehenik aipatutako bi aukeretariko baten bitartez:
eskularrutik xirrist eginez edo eskularruaz joz. Hau burutzeko arduraduna
jokalari nagusia (E), atzealdean kokatzen dena, izaten da nahi izanez gero errestoa airez ere egin
dezakeena.
Falta-erdia izanez gero, errestatzaileak pilota jo aurretik adierazi behar du. Ez badu pilota jo
baino lehen adierazten, jokaldia legezkoa izango da.
Hona hemen sake-erresto eta tantoaren jarraipenaren bideoa:
Hasteko, sakea ona ez bada, bigarren sake bat egongo da. Hona hemen zein kasutan izan daiteke falta-erdia:
- Pilotak sakeko eremutik kanpo egiten duenean
punpa edo eremu horretako muga-marretan jotzen duenean.
- Pilotak sakeko eremuan egiten duenean
punpa, baina taulan irristaka joan gabe.
- Pilotak ezkerreko horma jotzen duenean (taulatik gora).
- Pilota jaurtitzean, sakatzaileak ez
dituenean bi oinak sakeko marraren atzean.
Hona hemen sake-erresto eta tantoaren jarraipenaren bideoa:
